2012-03-30: Hoog en laag het ons Parkies gesoek en die Paaseier-jag terdee geniet.

2012-03-29: Parkieland vier Paasfees.

2012-03-23: Al die Parklanders is tans besig met die Dis-Chem Brooklyn Projek. Ons maak mooi Paasfees prentjies vir Oumas en Oupas wat in ‘n ouetehuis woon. Die kinders geniet die projek uit hul harte. Mag elke ouma en oupa wat die prentjies sien, die oorvloed liefde beleef, waarmee elke Parkie hierdie prente vir hul gemaak het.

2012-03-20: Ons het ‘n heerlike oggend, vol lekker lag en groot grappe saam oom Etta die brandweerman  gehad. Hy het ons kom leer hoe gevaarlik vuur is en hoe ons noodsituasies moet handteer. Die Gr.R’e het dit vreeslik geniet om op ‘n minder ernstige manier van ernstige gevare te lees. Dra jul veiligheidsgordels Parkies en onthou die rookalarm!

2012-03-05: Parkieland het gespog met ons vyf pare tweelinge in 3 Maart se Beeld uitgawe.

2012-03-02:  Borrelpret 2012:  Gladde seep, gladde plastiek, borrels, ronde balle en skeerroom – wat meer kan ‘n klein Parkie vra? Dit was VET PRET!! – dankie aan al die Juffouens!

2012-03-01: Die Pretloop was weer ‘n wegholsukses. Ons Parkieland families het groot pret gehad en van vroeg tot laat om die baan baljaar.

2012-02-28: Ons het gaan loer hoe slim ons Parkies word in klastyd en gesien hoe ons maatjies hul kosblikkies geniet, wat mamma met soveel liefde vir ons voorberei. Parkieland is pret!!

2012-02-27: Parkieland spog weer in 2012 met 5 tweelinge. Nadat ons groot nuus gemaak het in 2011 met ons vyf groepe tweelinge, kan ons hierdie jaar weer met 'n nuwe groep dubbele vreugde spog. Ons voel baie geseënd om weer vyf pare tweelinge in ons midde te hê

2012-02-24: Juffrou Minelize se klasmammas het vir haar 'n heerlike partytjie gehou. Sy is bederf met 'n pragtige koek,die mooiste blomme en oulike geskenke. Baie geluk juffrou Minelize!

2012-02-24: Dansiedag was 'n groot sukses by ons Gr.R'e. Na harde werk en oefening het ons klasse vir mekaar gewys hoe oulik ons in groepe kan saamwerk. Elke juffrou het haar eie liedjies gekies om die klas te verteenwoordig en die kinders het dit baie geniet om in die buitelug pret te hê!

2012-02-14: Die DBV het by ons kom kuier op Hartjie-my-Liefiedag!

2012-02-10: Gr.R besoek die biblioteek by die laerskool en koop by die snoepie daarna. Dit was so lekker!

2012-02-10: Gr.000 besoek die biblioteek by die laerskool, dit was so lekker!

2012-02-01: Op 1 Februarie het al die Parkieland mammas by die skool bymekaar gekom vir 'n heerlike saamkuier, kenmekaar en inligtingsaand. Daar was gelag, geëet en baie gesels - soos wat net 'n klomp vrouens kan doen. Elkeen het 'n vilt-borsspeld gemaak en die eindprodukte wad pragtig!